শনিবার, ২১ সেপ্টেম্বর ২০২৪, ০৯:৫৫ পূর্বাহ্ন
ব্রেকিং নিউজ :
সংবাদ শিরোনাম :
শিত আইছে
নাজমুল ইসলাম মকবুল
শিত আইছে গাইলে ছিয়ায় জলদি কুটো গুড়ি
হান্দেশ পিঠা খাইতা হখলে খাইতা পুয়া পুড়ি।।
খুরছইন দিয়া নাইকল কুরছি ঢুপি পিঠা পব বানাও
বেলি দিয়া লুয়াড়ির মাঝে গুলা ছাড়ি তেল টানাও
ফুলি ফুলি হান্দেশ উঠবো কইছইন পাকনা বুড়ি।।
মজা লাগে নুনগরা আর নুনরডোবা ছইপিঠা
ঘাইয়াড়িদি গরম করি খাইয়া অইবা ভিটভিটা
ছিতলপিঠা মউদি খাইয়ো খেতা উড়ি উড়ি।।
পানি পিঠা চুংগা পিঠা ঝুরি পিঠা আর খাজা
রুটি পিঠা খুলাত ভাজি গুছদি খাইয়ো যে মজা
তালর পিঠা গুড়র পিঠা পাটিবলার নাই জুড়ি।।
নিউজটি শেয়ার করুন
সম্পাদক : মুহাম্মদ আব্দুল বাছির সরদার
অফিস: হোল্ডিং নং-৩৬/০৩, লঞ্চঘাট রোড, দিরাই পৌরসভা,
দিরাই, সুনামগঞ্জ।
মোবাইল: ০১৭১৮-৬৮১২৮১, ০১৭৯৮-৬৭৬৩০১
ই-মেইল: amarsurma@gmail.com, m.a.basir.s09@gmail.com
ওয়েব সাইট: www.amarsurma.com
© All rights reserved © 2017-2019 AmarSurma.Com
Design & Developed BY ThemesBazar.Com